Bir müddət öncə səhhətində problem yaranan Xalq artisti Fatma Mahmudova efirə çıxıb.
Bizim.Media xəbər verir ki, o, “Rəngarəng”də qonaq olub.
Aktrisa verilişdə səhhəti ilə bağlı danışıb:
“O dünyadan gəlmişəm, xoş gəlmişəm. Ölüb-dirilmişəm, çox şükür. Məni sevənləri salamlayıram, təşəkkür edirəm ki, hamı səhhətimlə maraqlanıb. Səni bu gün qırmadım, baxmayaraq ki, səhhətim çox əla deyil.
Amma mən özünü ələ almağı bacaran xanımam. Çünki 1991-ci ildə erməni terrorunun qurbanlarından olmuşam. Orada avtobus yananda, partalayanda özümü ələ almağı bacardım, yaşadım. Allah məni yaşatdı. Xəstəliyimə sevinənlər də oldu, onlar da sağ olsunlar”.
Qeyd edək ki, F.Mahmudova insult keçirmiş, xəstəxanada uzun müddət müalicə almışdı.
Sara, Bizim.Media
