Elgizdən Vəfaya: “Şəbnəmin keçmiş həyat yoldaşı səninlə evlənib?”

Aparıcı Elgiz Əkbər aralarında tez-tez qalmaqal yaşandığı müğənnilər Vəfa Şərifova ilə Şəbnəm Tovuzludan söz açıb. 

Bizim.Media xəbər verir ki, Elgiz aparıcısı olduğu “Elgizlə izlə” verilişinə qonaq etdiyi Vəfaya “Həmkarın Şəbnəmlə barışdınız?” sualı ilə müraciət edib. 

Şərifova “Bizim davalıq məsələmiz yoxdur” qısa cavabını verib. Bundan sonra E.Əkbər “Aranızdakı problem nə idi? Şəbnəmin keçmiş həyat yoldaşı səninlə evlənib?” sualını Şərifovaya ünvanlayıb. 
Bu sualdan məəttəl qalan Vəfa “Elgiz bəy, mən bu haqda danışmaq istəmirəm. Şəbnəmin övladları var və böyükdürlər. Mənim də övladlarım var. Bu mövzu haqda danışmayaq” deyərək, mövzudan yayınıb. 

Qeyd edək ki, V.Şərifova iş adamı Famil Xəlilovla münasibətdədir. Cütlüyün iki övladı var. İş adamının adı Vəfadan əvvəl Şəbnəmlə hallanıb.

Rəşad Əliyev, Bizim.Media