Könül Kərimova: “Yaxınlarımdan zərbələr almışam” – VİDEO 

“Mən ailə qurub sənəti yox, ailəmi seçdiyimə görə heç zaman peşman olmadım. Çünki ailə qurmağı çox arzulayırdım. Hələ orta məktəbdə oxuyanda çox arzulayırdım ki, tez ailə qurum. İstəyirdim ki, uşaqlarım olsun”. 

Bizim.Media xəbər verir ki, bu sözləri Əməkdar artist Könül Kərimova qonaq olduğu “Rəngarəng səhər” verilişində deyib. 

Sənətçi ona yaxınları tərəfindən vurulan zərbələrdən söz açıb: 

“Pislikdən çox əziyyət çəkirəm. Onun mənə təsiri aylar və illərlə davam edir. Məni çox çətinliklə rahat buraxır. Pislik edən insan deyiləm, mənə olunan hər hansı pislik çox pis təsir edir. Amma elə insanlar var ki, pislik onun xislətindədir, bu səbəbdən belə şeylər ona adi gəlir. Ən dəhşətlisi yaxınlarımdan aldığım zərbədir. Belə olanda çox çətinliklə özümə gəlirəm. Heç deyiləsi deyil. Amma zaman keçdikcə mənə olunan pisliklərin kinini saxlamıram. Sadəcə mənim üçün həmin şəxs və onun etdiyi o qədər adiləşir. O şəxsi görəndə də sanki heç onu görməyən kimi oluram”.