Bu da Natavanın köçdüyü YENİ VİLLASI – FOTO

“Yeni evə köçmüşəm. Yeni evimin ləzzətini yaşayıram. Evdə istirahətdəki kimi hər bir şəraiti yaratmışam. Hovuz, manqal, qonaqlar... (gülür)”. 

Bizim.Media xəbər verir ki, bu sözləri efirlərdən uzaq düşən müğənni Natavan Həbibi “Space star” verilişinə müsahibəsində deyib. 

Yeni evinə köçən sənətçi həm oğlundan, həm də sənətindən söz açıb: 

“Oğlum Zeydə görə, uzun yollara çıxmırıq. Zamanımızın çox hissəsini də yeni evimizdə keçiririk. Səs yazma studiyamızda da yeni mahnılar üzərində işləyirik. Yeni mahnılarım var. Yeni albomu da dinləyicilərimə təqdim etmişəm. Orada yer alan mahnılar da yavaş-yavaş öz yerini tutur”. 

Natavan bayağı mahnıların çoxalmasından da gileynənib:

“Musiqidən söhbət gedirsə, hazırda başqa dalğalar gündəmdədir. Keyfiyyətli mahnılar gec yol tapır”. 

Qeyd edək ki, Natavan Həbibi televiziya kanallarının rəhbərlərindən qonorar tələb etdiyi üçün uzun müddətdir efirlərə çıxmırdı.




Rəşad Əliyev, Bizim.Media