Aparıcı və aktyor İlkin Həsəni “20 Yanvar” metrostansiyası ətrafında və eyniadlı dairədə yaşanan xaos və tıxaclarla bağlı paylaşım edib.
Bizim.Media xəbər verir ki, televiziya ulduzu həmin ərazinin görüntülərini sosial şəbəkə hesabında izləyiciləri ilə bölüşərək, aidiyyatı qurumlara səslənib.
“Bunu ötən gün “MTV” kanalında olarkən çəkdim. Bu günə kimi heç bir qurumun bacara bilmədiyi “Sumqayıta bir nəfər” problemi. Üç aydan bir olmayan reydlərə “hörmətli sürücü burada maşın saxlama” deməklə deyil, konkret addımlar atmaq lazımdır.
Orada saxlayan avtomobillər cərimə olunsa, sizcə yenidən orada saxlayar? Yox! Ölkəmizin ən böyük problemi də budur, cəzasızlıq”, - deyə İlkin vurğulayıb.
Rəşad Əliyev, Bizim.Media
