Məşhur serialın ulduzu cinsi istismarda ittiham olunur - FOTO

Bir çox qadın “Twitter” sosial media platformasında "Wednesday" serialının aktyoru Persi Haynes Uayta qarşı cinsi istismar iddiaları irəli sürüb.

Bizim.Media xarici mətbuata istinadən xəbər verir ki, qızlar 21 yaşlı Uaytı Torontoda orta məktəb illərindən tanıdıqlarını və sözügedən hadisələrin onun 17-20 yaşları arasında olarkən baş verdiyini iddia ediblər.

İddialar ilk olaraq "Twitter" istifadəçisi @milkievich tərəfindən ortaya atılıb.

O bildirib ki, Uayt “çox sərxoş olanda” məclislərin birində ona “hücum edib”.

Qız, həmçinin ona qarşı “zorlama iddiaları”nın irəli sürüldüyünü desə də, iddiaları kimin irəli sürdüyü barədə daha dəqiq məlumat verməyib.

Aktyorun qeyri-qanuni hərəkətlərini təsdiqləyən fotoşəkillər, yazışmaların skrinşotları və dostlarının xatirələri var.

Bu iddialardan sonra Persi sosial media hesabında şərhləri bağlayıb və hələ də iddialara cavab olaraq heç bir açıqlama verməyib.

Rəşad Əliyev, Bizim.Media