"Yeni ifaçılar yarım saatlıq çıxışı üçün yüksək qonorar istəyirlər. Məclis yiyələri onlara istədikləri qonorarları verirlər. 3500 manata qədər qonorar alırlar. Kim nə istəyir həmin qiyməti də deyir. Diski qoyub, ağızını tərpətməyi bacarırsa, ona verilən qonorar halaldır".
Bizim.Media xəbər verir ki, bu sözləri müğənni Rəvan Qarayev "Şou xəbər" verilişinə müsahibəsində deyib.
İki dəfə evlənib, boşanan sənətçi üçüncü dəfə evlənmək məsələsinin üstündən birdəfəlik xətt çəkdiyini bildirib.
Rəvan həyat yoldaşından ayrılsa da, övladlarına həm mənəvi həm də maddi köməklik etdiyini açıqlayıb:
"Üçüncü dəfə evlənmək istəmirəm. Yenidən ailə qurmaq mənə lazım deyil. İnsanlar sual verirlər ki, sən dörd dəfə ailə qurub, ayrılmısan? Axı elə bir şey olmayıb. Mən yazıq, cəmi iki dəfə evlənmişəm. Üçüncü dəfə ailə qurmaq üçün yaşım da o deyil. Heç kim inanmır ki, həyat yoldaşımla ayrılmışam. Danışırıq, uşaqlara kömək edirəm. Onlara nə lazımdırsa, mən yardım edirəm. Boşanmağımın səbəbi qısqanclıqlar oldu. Hər şeyin günahı özümdədir".
Qeyd edək ki, R.Qarayevin ilk evlilikdən 15 yaşında Ayan adlı qızı var. Eyni zamanda müğənninin Günya Rəhimova adlı xanımla ikinci evliliyi beş il çəkib və bu nikahdan onların 10 yaşlı Xalidə adlı qız övladları var.
Rəşad Əliyev, Bizim.Media
