“Həyat yoldaşımın şəklini sosial şəbəkə hesabımda paylaşması onun istəyi ilə oldu. Əsas da oğlumuz Əliyə görə. Bilmədən danışanlar çox idi. Ona görə həyat yoldaşımın şəklini paylaşmaq lazım idi”.
Bizim.Media xəbər verir ki, bu sözləri müğənni Şəbnəm Tovuzlu “MTV maqazin” verilişində müsahibəsində deyib.
Sənətçi uzun illərdən sonra ilk dəfə həyat yoldaşı Hacı Ramilin üzünü göstərməsinə aydınlıq gətirib. Ş.Tovuzlu bildirib ki, bu addımı oğulları Əliyə görə atıb.
“Oğlum Əlinin atasını gördülər. Başqa fikirlərə düşmədilər. Bizim gül kimi övladımız var. Niyə başqa düşüncələr olsun ki,…”, - deyə Şəbnəm söyləyib.
Qeyd edək ki, Şəbnəm Tovuzlunun ilk nikahından Günel adlı qız övladı var. Onun tezliklə toyu olacaq.
Rəşad Əliyev, Bizim.Media
