“Baxıram evə, sonra əlimdəki pula. Deyirəm görəsən, bu pulu evə xərcləyim? Sonra da deyirəm ki, birdən pandemiya olar, ac qalaram”.
Bizim.Media xəbər verir ki, bu sözləri Əməkdar artist Elnarə Abdullayeva qonaq olduğu “Həmin Zaur” axşam şousunda deyib.
Evinin təmirinin 20 faiz işi qaldığını deyən sənətçini verilişin aparıcısı Zaur Kamal sorğu-suala tutub.
Aparıcının “Sizi nə özünüzdən çıxarır?” sualına xanəndə belə cavab verib:
“Pandemiyadan sonra çalışıram ki, kefimi yaxşı və kök tutum. Hirslənəndə özümə deyirəm ki, Elnarə sakit ol, sən dünyanı düzəltməyəcəksən, canından muğayat ol. Çalışıram bu yolla özümü tərbiyələndirim”.
Rəşad Əliyev, Bizim.Media
