Azərbaycanda bərpa olunan enerji sahəsində yeni layihələrə start veriləcək - AYİB

Hazırda oxunan: Azərbaycanda bərpa olunan enerji sahəsində yeni layihələrə start veriləcək - AYİB

80603

Avropa Yenidənqurma və İnkişaf Bankı (AYİB) bu il Azərbaycanda dayanıqlı inkişaf və bərpa olunan enerji sahələrində bir neçə layihə işə salacaq.

Bizim.Media xəbər verir ki, bunu AYİB-nin Azərbaycandakı nümayəndəliyinin rəhbəri Kamola Mahmudova Qara Dəniz Ticarət və İnkişaf Bankının (QDTİB) 24-cü illik iclası zamanı deyib.

"Biz artıq Gəncədə bərk məişət tullantılarının idarə olunması üzrə layihəni işə salmışıq. Bu yay günəş və külək enerjisi sahəsində daha iki layihə işə salacağıq", - deyə o bildirib.
Trend-in məlumatına görə, o, AYİB-in bundan sonra da Azərbaycanda "yaşıl" iqtisadiyyatı dəstəkləyəcəyini söyləyib.

"Bu il biz rəqəmsallaşma sektorunun təkmilləşdirilməsi, ərzaq təhlükəsizliyinin təmin olunması, Orta Dəhlizə diqqət ayırmaqla nəqliyyat sektorunun inkişafı üzərində işləyəcəyik", - K.Mahmudova deyib.

Bizim.Media