“Rəsmi rəqəmlərlə hesablasaq bir ailənin aylıq ehtiyacı üçün 900, beynəlxalq standartla hesablasaq isə 1200-1500 manat həcmində gəliri olmalıdır”.
Bunu Bizim.Media-ya açıqlamasında iqtisadçı ekspert Natiq Cəfərli Azərbaycanda bir ailənin normal yaşaması üçün aylıq nə qədər vəsaitin lazım olduğuna aydınlıq gətirərkən deyib:
“Hökumətin elan etdiyi yaşayaış minimumu ilə hesablamalar aparsaq 4 nəfərlik Azərbaycan ailəsinin bir aylıq minimum ehtiyacı üçün azı 900 manatı olmalıdır. Amma orta statistik gəlirlik səviyyəsini hesablasaq 4 nəfərlik ailənin dolanışığı üçün aylıq 1200-1500 manat həcmində vəsait tələb olunur.
MÖVZU İLƏ BAĞLI:
Bu il Azərbaycanın gəlirləri bir neçə milyard dollar artacaq
Ölkəmizdə sadəcə yaşayış minimunu aşağı qiymətlərlə hesabladığımdan, daha aşağı rəqəmlər alınır. Bunun da əsas səbəbi odur ki, rəsmi rəqəmlərə görə Azərbaycanda yoxsulluq səviyyəsi 5 faiz həndəvərindədir.
Məhz yoxsulluq həddində olan insanların 5 faiz civarında qalması üçün yaşayış minimumu da aşağı rəqəmlərlə ifadə olunur.
Lakin beynəlxalq standartlara uyğun 4 nəfərlik ailənin dolanışığını hesablasaq bu rəqəm də kəskin artacaq”.
Rüfət Sultan, Bizim.Media
