Son 2 ayda bu sahədə 2,9 milyard manatlıq məhsul istehsal olunub

Emal sənayesində yanvar-fevral aylarında 2 milyard 936,5 milyon manatlıq məhsul istehsal olunub və sənaye xarakterli xidmətlər göstərilib.

Dövlət Statistika Komitəsindən Bizim.Media-ya bildirilib ki, əvvəlki ilin müvafiq dövrü ilə müqayisədə qida məhsullarının istehsalında 14,1 faiz artım, tütün məmulatlarının istehsalında 10,3 faiz, içki istehsalında isə 15,6 faiz azalma müşahidə olunub.

Bu sahələrin əsas məhsullarından qənd və şəkər tozunun istehsalı 55,7 faiz, marqarin istehsalı 24,4 faiz, kərə yağının istehsalı 5,6 faiz artıb, duru bitki yağlarının istehsalı isə 1,5 faiz azalıb.

Bizim.Media