Yaxın Şərqdə davam edən münaqişə qlobal pərakəndə sektorunda narahatlıq yaradır.
Bu barədə Bizim.Media "CNBC"ə istinadən xəbər verir.
Qeyd edilib ki, böyük ticarət şirkətləri xəbərdarlıq edirlər ki, regionda artan gərginlik xərclərin yüksəlməsinə səbəb olur və müharibə qısa müddətdə başa çatmazsa, qiymət artımları qaçılmaz ola bilər.
Britaniyanın tanınmış pərakəndə şirkəti Next cümə axşamı yaydığı açıqlamada bildirib ki, Yaxın Şərqdəki qeyri-sabitlik təkcə regionda iqtisadi artımı məhdudlaşdırmayacaq, eyni zamanda digər bazarlardakı xərclərin artmasına təsir göstərəcək.
Ekspertlərin fikrincə, Yaxın Şərqdə sabitliyin pozulması qlobal təchizat zəncirinə və enerji qiymətlərinə təsir etməklə dünya üzrə pərakəndə satış qiymətlərində artım riskini yüksəldə bilər. (İqtisadiyyat.az)
Bizim.Media
