\"Lukoil\" “Şahdəniz” layihəsindəki payını 9,99 faizə endirdi

Hazırda oxunan: \"Lukoil\" “Şahdəniz” layihəsindəki payını 9,99 faizə endirdi

50042

Tərəfdaşları ilə mülkiyyət hüquqlarına riayət edilməsi məsələsi üzrə aparılacaq danışıqlardan sonra "Lukoil" şirkəti “Petronas”ın “Şahdəniz” layihəsindəki payından alacağı hissəni 15,5 %-dən 9,99 %-ə endirəcək.

Bizim.Media TASS-a istinadən xəbər verir ki, bu barədə şirkətin məlumatında deyilir.

Razılaşmanın məbləği isə 2,25 milyard ABŞ dollarından 1,45 milyard ABŞ dollarınadək azalacaq. Razılaşmanın 2022-ci ilin yanvar ayında qapadılması gözlənilir.

Müqavilə 2020-ci ilin oktyabrında elan edilib. Daha sonra “Lukoyl” layihədə 15,5%-i almaq və bununla da öz payını 10%-dən 25,5%-ə çatdırmaq niyyətində idi. Lakin dekabrda layihənin operatoru olan Britaniyanın BP şirkəti 28,8%-ə sahib olmaqla, öz payını 168 milyon dollar müqabilində 1,16% artırmaq qərarını verib.

Şahdəniz qaz-kondensat yatağı Xəzər dənizinin Azərbaycan sektorunda, Bakıdan 70 km cənub-şərqdə yerləşir.

Layihə hasilatın pay bölgüsü sazişi çərçivəsində həyata keçirilir. Layihə çərçivəsində kommersiya istehsalına 2006-cı ildə başlanılıb.

Şahdəniz layihəsinin digər iştirakçıları Böyük Britaniyanın BP (operator, payı 28,8%), Türkiyənin TPAO (19%), Azərbaycanın SOCAR (10%), İranın NICO (10%) və Azərbaycanın SGC (6,7%) şirkətləridir.

Bizim.Media