Ali təhsili yoxdur, dünyanın ən varlı adamıdır

Hazırda oxunan: Ali təhsili yoxdur, dünyanın ən varlı adamıdır

269813

Oracle-un həmtəsisçisi və ən böyük səhmdarı Larri Ellison ilk dəfə dünyanın ən varlı adamı olub. O, Tesla-nın rəhbəri İlon Maskı geridə qoyub.

Bizim.Media xəbər verir ki, bu barədə Bloomberg məlumat yayıb.

Ellisonun sərvəti Oracle şirkətinin güclü rüblük hesabatını açıqlamasından sonra kəskin artıb. 10 sentyabrda şirkətin səhmləri 41,8% bahalaşıb. Nəticədə milyarderin kapitalı 101 milyard dollar artaraq 393 milyard dollara çatıb. Bu, Bloomberg milyarderlər indeksinin tarixində sərvətin bir gün ərzində ən böyük artımı olub.

Müqayisə üçün, İlon Maskın aktivləri hazırda 385 milyard dollar dəyərində qiymətləndirilir.

81 yaşlı Ellisonun sərvətinin əsas hissəsi Oracle-un səhmlərindən ibarətdir. O, şirkətdə İdarə Heyətinin sədri və texniki direktor vəzifələrini tutur.

Larri Ellison ABŞ-ın Nyu-York şəhərində doğulub. İllinoys və Çikaqo universitetlərində təhsil alıb, lakin təhsilini başa vurmadan işçi qüvvəsinə daxil olub.

1977-ci ildə təsis etdiyi “Oracle” Corporation hazırda dünyanın ən böyük verilənlər bazası proqram təminatı şirkətlərindən biridir. Texnologiya sərmayələrinə əlavə olaraq, Ellison “Tesla”da əhəmiyyətli paylara sahibdir.

Bizim.Media