Rusiya hökuməti “Ulyanovsk – Bakı - Astara (İran)” birbaşa yük blok qatarının marşrutunu təsdiqləyib.
Bizim.Media xəbər verir ki, bunu Ulyanovsk vilayətinin qubernatoru Aleksey Russkix bildirib.
“Bu günlərdə “Rusiya Dəmir Yolları”ndan şad xəbərlər gəlib - “Ulyanovsk – Bakı - Astara (İran)” birbaşa yük blok qatarının marşrutu təsdiqlənib. Bu, “Orta Volqa - Xəzər dənizi - Fars körfəzi” logistika layihəsinin qərb dəmir yolu dəhlizidir. İxrac qatarı ilə aqrar-sənaye, o cümlədən ağac emalı məhsullarının göndərilməsinə hazırlıq gedir”, - qubernator qeyd edib.
Onun sözlərinə görə, qatarın işə salınması Bakıya səfəri zamanı Azərbaycanın Baş Naziri Əli Əsədovla əldə etdiyi razılaşmaların, o cümlədən Rusiyanın Bakıdakı səfirliyi, Ticarət Nümayəndəliyi və Sənaye və Ticarət Nazirliyinin dəstəyi ilə iki ölkənin dəmir yolu idarələrinin əlaqələndirilmiş işinin nəticəsidir.
A.Russkix qeyd edib ki, ötən gün Azərbaycan Prezidenti İlham Əliyev və Rusiya Prezidenti Vladimir Putin “Şimal-Cənub” beynəlxalq nəqliyyat dəhlizinin inkişafı məsələsini müzakirə ediblər.
“Ötürücülük qabiliyyətinin artırılması və yüklərin daşınma həcminin 15 milyon tondan 30 milyon tona çatdırılması üçün dəhlizin dəmir yolu hissəsi modernləşdirilir. Bu razılaşma Ulyanovsk vilayətinin təşəbbüskarı olduğu və “Şimal-Cənub” beynəlxalq nəqliyyat dəhlizinin bir hissəsi olan “Orta Volqa - Xəzər dənizi - Fars körfəzi” yeni ticarət və logistika marşrutunun inkişafı üçün böyük perspektivlər açır”, - qubernator yazıb.
Bizim.Media
![“Ulyanovsk – Bakı - Astara” birbaşa yük blok qatarının marşrutu təsdiqləndi “Ulyanovsk – Bakı - Astara” birbaşa yük blok qatarının marşrutu təsdiqləndi](https://bizim.media/file/articles/2024/08/20/1724144220_5341684387365904206.jpg)
- A-
- A
- A+
İqtisadiyyat
13:08 / 20.08.2024
“Ulyanovsk – Bakı - Astara” birbaşa yük blok qatarının marşrutu təsdiqləndi
Hazırda oxunan: “Ulyanovsk – Bakı - Astara” birbaşa yük blok qatarının marşrutu təsdiqləndi
Hazırda oxunan: “Ulyanovsk – Bakı - Astara” birbaşa yük blok qatarının marşrutu təsdiqləndi
207506
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.