Məhəmməd Məhərrəmli yüksək vəzifəyə TƏYİN OLUNDU

Hazırda oxunan: Məhəmməd Məhərrəmli yüksək vəzifəyə TƏYİN OLUNDU

193034

Azərbaycan Mərkəzi Bankında yeni təyinat olub.

Bizim.Media "banker.az"a istinadən xəbər verir ki, Məhəmməd Məhərrəmli Mərkəzi Bankın Risklərin İdarə Edilməsi Departamentinin Direktoru təyin olunub.

Qeyd edək ki, Məhəmməd Məhərrəmli 2008-2012-ci illərdə bakalavr təhsilini maliyyə ixtisası üzrə Azərbaycan Dövlət İqtisad Universitetinin Xüsusi İstedadlar Qrupunda alıb. Həmçinin 2012-ci ildə Çexiyanın Çarlz Universitetində “Mühasibatlıq və qiymətləndirmə” kursunu bitirib.

2013-2014-cü illərdə Dövlət Proqramı çərçivəsində Queen Mary London Universitetində Maliyyə ixtisası üzrə magistr dərəcəsini fərqlənmə ilə bitirib.

2016-2017-ci illərdə ABŞ-də yerləşən Qlobal Risk Peşəkarları Assossasiyasının (GARP) “Maliyyə risklərinin idarə edilməsi” proqramını bitirib və beynəlxalq FRM sertifikatını alaraq Qlobal Risk Peşəkarları Assossasiyasına üzvlük haqqı əldə edib.

2012-2013-cü illərdə “Hyatt Hotels Corporation”da auditor, 2014-2018-ci illərdə Azərbaycan Beynəlxalq Bankının Risklərin idarə edilməsi departamentində baş mütəxəssis, 2018-2022-ci illərdə “PAŞA Bank” ASC-nin Bazar Risklərinin İdarə Edilməsi şöbəsinin rəhbəri, 2022-2023-cü illərdə “AccessBank”da Risklərin idarə edilməsi departamentinin direktoru vəzifələrində çalışmışdır.
Məhəmməd Məhərrəmli 2023-cü ildən Mərkəzi Bankda çalışır.

Bizim.Media