Bankların rezolyusiyası çərçivəsinin təkmilləşdirilməsi Dünya Bankı ilə müzakirə edilib

Azərbaycan Mərkəzi Bankı (AMB) və Dünya Bankı arasında yerli bankların rezolyusiyası çərçivəsinin təkmilləşdirilməsi müzakirə edilib.

Azərbaycan Mərkəzi Bankında (AMB) "Maliyyə Sektorunun Modernizasiyası Layihəsi 3” çərçivəsində Dünya Bankının ölkəmizdə səfərdə olan ekspert missiyası ilə növbəti görüş keçirilib. 

Bizim.Media xəbər verir ki, bu barədə AMB-nin məlumatında bildirilib.

Məlumata görə, görüşdə layihə çərçivəsində görülmüş işlər, xüsusilə maliyyə xidmətləri istehlakçılarının hüquqlarının qorunması çərçivəsinin gücləndirilməsi müzakirə edilib.
Bundan əlavə, bankların rezolyusiyası çərçivəsinin daha da təkmilləşdirilməsi, nəzarət və tənzimləmə alətlərinin genişləndirilməsi istiqamətlərində göstəriləcək məsləhət xidməti üzrə müzakirələr aparılıb.

Bizim.Media