Rusiyanın “Baltika” klubu sosial media hesablarında “Qarabağ”ın baş məşqçisi Qurban Qurbanovun UEFA Çempionlar Liqasındakı tarixi uğurundan bəhs edən paylaşım edib.
Bizim.Media xəbər verir ki, Kalininqrad təmsilçisi sabiq futbolçusunu pley-off mərhələsinə yüksəlməsi münasibətilə xüsusi postla təbrik edib:
"Dünən axşam Azərbaycanın “Qarabağ” komandası rəsmi olaraq UEFA Çempionlar Liqasının pley-off mərhələsinə vəsiqə qazandı. Bəs bunun bizim klubla nə əlaqəsi var? Çox sadə: Ağdam komandasına “Baltika”nın keçmiş üzvü rəhbərlik edir!"
Xatırladaq ki, Qurban Qurbanov 1999-cu ildə “Baltika”nın formasını geyinib. O, bu klubun heyətində 14 rəsmi matçda meydana çıxaraq 1 qolla yadda qalıb.
Bizim.Media
