UEFA ispan klubunu CƏZALANDIRDI

Hazırda oxunan: UEFA ispan klubunu CƏZALANDIRDI

583074

UEFA Madridin “Atletiko” klubunu cəzəlandırıb. Buna Çempionlar Liqasının “Arsenal” – “Atletiko” (4:0) matçında İspaniya klubunun azarkeşlərinin davranışları səbəb olub. Bu qərar qurumun Nəzarət, intizam və etika komissiyası tərəfindən verilib.

Bizim.Media xəbər verir ki, ittihama görə, “Atletiko” azarkeşlərinin bir qismi rasist və diskriminasiya xarakterli davranışlar nümayiş etdirib.

Klub bu səbəbdən 30 min avro cərimələnib, həmçinin bir oyunluq (şərti) qonaq sektoruna bilet satışının qadağan olunması cəzası alıb.

Bu qadağa bir il ərzində şərti şəkildə qüvvədə qalacaq. Əgər analoji hadisə təkrarlansa, cəza avtomatik olaraq tətbiq ediləcək.

Bundan əlavə, azarkeşlərin meydançaya əşyalar atması ilə bağlı “Atletiko”ya əlavə 10 min avro cərimə kəsilib.

UEFA-nın xəbərdarlığına baxmayaraq, Madrid təmsilçisinin azarkeşləri hələlik səfər oyunlarına — 9 dekabrda PSV, 21 yanvarda isə “Qalatasaray” ilə matçlara gedə biləcəklər. Lakin yeni bir intizam pozuntusu baş verərsə, sanksiya tam şəkildə qüvvəyə minəcək.

Bizim.Media