Yanvarın 9-da futbol üzrə Türkiyə çempionatının XX turu çərçivəsində keçirilən qarşılaşmada “Beşiktaş" səfərdə "Rizəspor"un qonağı olub.
Bizim.Media xəbər verir ki, gərgin keçən qarşılaşmada qalib müəyyənləşməyib - 2:2. İstanbul təmsilçisinin qollarını Miçi Batşuayi (25) və Emirhan İlkhan (60) vurublar. "Rizəspor"un heyətində isə Joel Pohjanpalo (56, 68) iki dəfə fərqlənib.
Günün digər matçında "Kayserispor" doğma meydanda "Altay"ı minimal hesabla məğlub edib - 1:0. "Sivasspor" isə səfərdə "Konyaspor"u 1:0 hesabı ilə üstələyib. "Göztəpə" isə doğma divarlar arasında "Antalyaspor"un qapısından üç cavabsız top keçirib.
Hazırda Türkiyə Superliqasının turnir cədvəlinə 49 xalla “Trabzonspor” başçılıq edir. Ondan 10 xal geri qalan “Konyaspor” ikinci, sonuncudan beş xal geri qalan “Başakşəhər” isə üçüncü pillələrdə qərarlaşıb.
Bizim.Media
