Futbol üzrə Portuqaliya Premyer Liqasının XII turunda "Belenenseş" klubu evdə "Benfika"ya qarşı keçirilən matça cəmi 9 futbolçu ilə çıxıb.
Bizim.Media xəbər verir ki, koronavirusa kütləvi yoluxma səbəbindən qalan 9 oyunçunun ikisi qapıçı olub. Qolkiperlərdən biri sahə oyunçusu mövqeyində çıxış edib.
Görüşün ilk hissəsi qonaqların 7:0 hesablı qələbəsi ilə yekunlaşıb. Meydan sahibləri əvvəlcə ikinci hissəni oynamaq istəməyiblər.
Baş hakimin təkidindən sonra komanda 7 nəfərlə meydana qayıdıb. 46-cı dəqiqədə futbolçulardan biri zədələnib. "Belenenseş"in heyətində oyunçu sayı 7-dən az olduğu üçün referi görüşü vaxtından əvvəl başa çatdırıb.
Xatırladaq ki, oyundan əvvəl "Belenenseş"in 13 futbolçusu, baş məşqçisi və köməkçiləri, həmçinin klubun 2 əməkdaşında koronavirus aşkarlanıb.
Bizim.Media
