Boksçularımız dünya çempionatının hazırlığına başladı

Kişi boksçulardan ibarət Azərbaycan milli komandası təlim-məşq toplanışına start verib. 

Bizim.Media xəbər verir ki, bu barədə Federasiyadan məlumat verilib.

Boks Mərkəzində təşkil olunan məşqlər Serbiyanın paytaxtı Belqradda keçiriləcək dünya çempionatına hazırlıq məqsədi daşıyır. 

Toplanışa 20-dək boksçu dəvət edilib. Komandaya tezliklə millinin hərbçilərin dünya çempionatında mübarizə aparmış üzvləri də qoşulacaqlar. Mundial 13 çəki dərəcəsində keçiriləcəyindən məşqçilər korpusu yarışa 1 həftə qalmış heyəti müəyyənləşdirəcək. 

Qeyd edək ki, oktyabrın 24-də start götürəcək dünya çempionatı noyabrın 6-dək davam edəcək.

Bizim.Media