Azərbaycan millisinin hücumçusu Renat Dadaşov karyerasını Macarıstanda davam etdirə bilər.
Bizim.Media xəbər verir ki, yığma komandamızın forvardı “Uypeşt”in maraq dairəsindədir.
Macarıstan yüksək liqasında mübarizə aparan Uypeşt təmsilçisi Dadaşovu qışda icarəyə götürməyi planlaşdırır.
Polşanın “Motor” klubunda xoşbəxt olmadığı iddia edilən Renatın bu ölkəyə yollanıb-yollanmayacağı qış fasiləsinə qədərki vəziyyətindən asılı olacaq.
26 yaşlı hücumçunun “Motor”la müqavilə müddəti 2026-cı il iyunun 30-na qədərdir. Millimizin futbolçusu karyerası ərzində “Ayntraxt”(Frankfrurt),“Eştoril”, “Vulverhempton”, “Pakoş de Ferreyra”, “Qrasshoppers”, “Hatayspor”, “Ankaragücü”, “Radomiak” klublarında çıxış edib.
Rəşad Rafiqoğlu, Bizim.Media
