Azərbaycanlı futbolçunun komandası Superliqaya YÜKSƏLƏ BİLMƏDİ

Azərbaycanlı futbolçu Vüsal İsgəndərli Türkiyə 1-ci Liqasında pley-offunda mübarizəni dayandırıb.

Bizim.Media xəbər verir ki, onun çıxış etdiyi "Boluspor" yarımfinalın hər iki görüşündə uduzaraq, Superliqaya yüksəlmək şansını itirib.

Öz meydanında “Bandırmaspor”a 1:4 hesabı uduzan Bolu təmsilçisi səfərdə də eyni aqibəti yaşayıb. Bandırmalılar 1:0 hesabı ilə qalib gəliblər. İlk oyunda 19 dəqiqə forma geyinmək şansı qazanan Vüsal bu dəfə də sonradan meydana daxil olub.

İsgəndərli qarşılaşmanın 72-ci dəqiqəsində komanda yoldaşını əvəzləyib.

Qeyd edək ki, "Boluspor" mövsümü 7-ci pillədə başa vurub.

Rəşad Rafiqoğlu, Bizim.Media