“Sumqayıt” yeni stadionunda OYNAYACAQ

Mehdi Hüseynzadə adına şəhər stadionu uzun fasilədən sonra ilk dəfə Azərbaycan çempionatının oyununa ev sahibliyi edəcək. 

Bizim.Media xəbər verir ki, bu, Premyer Liqanın XXI turunda gerçəkləşəcək. 

Belə ki, “Sumqayıt” – “Neftçi” matçı “Gənclik şəhəri”nin ən böyük idman qurğusunda keçiriləcək. Arenada aparılan təmirdən sonrakı ilk matç fevralın 4-də baş tutacaq. Qarşılaşma saat 15:00-da başlayacaq. 
Qeyd edək ki, “Sumqayıt” bunadək uzun müddət ev oyunlarını “Kapital Bank Arena”da keçirib.

Rəşad Rafiqoğlu, Bizim.Media