Şəkidə şəhidlərin xatirəsinə həsr olunan turnir KEÇİRİLDİ – FOTO

Hazırda oxunan: Şəkidə şəhidlərin xatirəsinə həsr olunan turnir KEÇİRİLDİ – FOTO

151684

"Şəki şəhidləri 2023" futbol turniri keçirilib. Bir ay davam edən yarışlarda 11 komanda mübarizə aparıb.

Bu barədə Bizim.Media-nın yerli bürosuna Şəki-Zaqatala Regional Gənclər və İdman İdarəsindən məlumat verilib.

Qeyd olunub ki, Şəki şəhəri üzrə gənclər və idman sektorunun təçkilatçılığı ilə şəhidlərin əziz xatirəsinə həsr olunan bu turnir ilk dəfə təşkil edilib.

"Şəki şəhidləri 2023" futbol turnirinin keçirilməsində əsas məqsəd Vətən uğrunda canından keçən şəhidlərin əziz xatirəsini daim uca tutmaq, yeniyetmə və gənclərdə idmana, sağlamlığa olan marağı artırmaqdan ibarətdir. Bir aydan çox davam edən turnirdə məhəllə, kənd və qəsəbələrdən 11 komanda iştirak edib.
Yarışların final mərhələsindən sonra qalibləri mükafatlandırma mərasimi keçirilib. Şəhid ailə üzvlərinin də qatıldığı mükafatlandırma mərasimində turnirdə I, II, III yerlər üzrə qalib gələn komandalar diplom, kubok və medallarla mükafatlandırılıb.

Tural Rasim oğlu, Bizim.Media, Şimal-Qərb bürosu