“Spartak”ın keçmiş kapitanının Azərbaycan klubuna keçidi niyə baş tutmayıb?

Rusiya millisinin və "Spartak"ın sabiq kapitanı Denis Qluşakov karyerasını Azərbaycan Premyer Liqasında davam etdirməyə yaxın olub.  

Bizim.Media xəbər verir ki, təcrübəli futbolçu klublarımıza təklif olunub.  

Hətta Qluşakov özü də Azərbaycan çempionatında oynamağa razılıq verib. Lakin onun klublarımızdan birinə keçidi baş tutmayıb.  

Səbəb isə maliyyə deyil. Belə ki, təmsilçilərimiz Qluşakovun yaşının çox olmasını əsas gətirərək onun keçidində maraqlı olmayıblar.  

“Lokomotiv”(Moskva), “Spartak”(Moskva), “Axmat”, “Ximki” klublarında oynamış 36 yaşlı futbolçu hazırda “Nijni Novqorod”un futbolçusudr. O, bu mövsüm 15 oyunda meydana çıxıb və bir məhsuldar ötürmə edib. 

Rəşad Rafiqoğlu, Bizim.Media