Əfqanıstanın şərqində, Pakistan sərhədi yaxınlığında 6,2 bal gücündə zəlzələ baş verib.
Bizim.Media xəbər verir ki, bu barədə informasiyanı ABŞ Geoloji Xidməti yayıb.
Mənbə qeyd edir ki, ardınca 4,5–5,2 bal gücündə ən azı üç afterşok qeydə alınıb.
BBC-nin yerli hakimiyyət orqanlarına istinadən yaydığı xəbərə əsasən, ilkin məlumatlarda 20-dən çox insanın öldüyü, 115-dən artıq yaralının xəstəxanalara yerləşdirildiyi bildirilirdi. Lakin ölənlərin sayının artacağı gözlənilirdi, çünki zərərçəkmiş ərazilər dağlıq və əlçatmaz bölgələrdə yerləşir, oradakı evlərin əksəriyyəti isə seysmik davamlı deyil.
Vilayət polisinin məlumatına görə, torpaq sürüşmələri nəticəsində yollar bağlanıb, xilasedici əməliyyatları yalnız hava yolu ilə aparmaq mümkündür. Taliban hökuməti beynəlxalq humanitar təşkilatlardan təcili yardım istəyib.
Son məlumata görə, ölənlərin sayı 250-yə çatıb, azı 500 nəfər yaralanıb. Bu barədə NBC News Taliban nümayəndələrinə istinadla yazıb.
Bizim.Media
