Azərbaycan Texnologiya Universitetinin dekanlıqlarındakı kadr dəyişiklikləri haqqında mətbuatda dərc olunan məlumatlardan sonra redaksiyamıza bu universitetlə bağlı maraqlı məlumatlar daxil olub.
Moderator.az - a danışan mənbənin məlumatına görə, bu universitetdə qiyabi oxuyan tələblər tədrisin keyfiyyətindən şikayətçidirlər.
Onların sözlərinə görə, qiyabi təhsil alan tələbələrə imtahan mövzuları verilmir. Dərslər və imtahanlar cəmi 19 gün ərzində baş tutur. Bu isə keçirilən dərsləri mənimsəməyə, imtahanlarda uğurlu nəticə göstərməyə mane olur. Dərsləri mənimsəyə bilməyən tələbələrə 50 manat rüşvət vermək təklif edilir.
Ehtimal edilir ki, “öz ərizəsi ilə işdən çıxan”x9d dekanlar əslində məhz yol verdikləri qanunsuzluqlar səbəbindən vəzifələrindən azad ediliblər.
Xatırladaq ki, dünən adıçəkilən təhsil müəssisəsinin 4 fakültəsinin dekanı - standartlaşdırma və texnoloji maşınlar fakültəsinin dekanı, dosent Namiq Əsgərov, qida məhsullarının texnologiyası və turizm fakültəsinin dekanı, dosent Arzu Həsənov, iqtisadiyyat və idarəetmə fakültəsinin dekanı, dosent Xalidə Ağayeva və istehlak mallarının texnologiyası və ekspertiza fakültəsinin dekanı, dosent Namiq Davudov avqustun 4-dən öz ərizələri ilə tutduqları vəzifədən azad olunduğu bildirilirdi. Növbəti dekan seçkiləri keçirilənədək onların vəzifəsinin icrası dekan müavinlərinə həvalə olunduğu deyilirdi.
Bu azmış kimi institutun rektoru Akif Süleymanova da avqustun əvvəllərində təhsil naziri Mikayıl Cabbarov tərəfindən töhmət cəzası alıb...
