“Təhsil sahəsi üçün ən böyük problem saxta diplomlarla müəllimlərin işə qəbulu idi.
Artıq müəllim peşəsinə layiqincə təmsil edə bilməyən saxta diplomlu müəllimlərin işə qəbul olunması üçün imkanlar aradan qaldırılıb”. APA-nın xəbərinə görə, bunu təhsil naziri Mikayıl Cabbarov deyib. Nazir bildirib ki, ümumilikdə son qərarlar nəticəsində Azərbaycan Müəllim İnstitutunun Gəncə filialının fəaliyyəti dayandırılıb və orada qanuni təhsil alan tələblər digər ali təhsil müəssisələrində yerləşdirilib.
M.Cabbarov qeyd edib ki, Təhsil Nazirliyində olan vahid məlumat bazasında gələcəkdə bu cür halların qarşısının alınması üçün hər cür addım atılıb: “Təhsilin keyfiyyətini zəhərləyən böyük bir səbəb tam aradan qaldırılıb”.
