"Mən Ukraynanın şərqində yaradılmış "Novorossiya"nın prezidenti olmaq istəyirəm".
ANS PRESS-in məlumatına görə, bu haqda Rusiyanın Liberal Demokrat Partiyasının
sədri Vladimir Jirinovski "Rus xəbər xidməti"nə bildirib.
Xəbərdə deyilir ki, Jirinovski bunu deməklə Ukraynanın ərazisində yeni dövlətin
yaradılacağına işarə vurur.
Jirinovski Ukrayna daxili işlər nazirliyinin onun dindirilməsi haqqında
çağırışını jurnalistlərə göstərərək bildirib ki, o, Ukraynaya bir halda getməyə
razı olar ki, ondan öncə Pskov desantı paraşütlə Kiyevə ensin.
Xatırladaq ki, Ukrayna daxili işlər nazirliyi Jirinovski ilə Züqanovu beynəlxalq
axtarışa verib. Bundan
öncə isə Malafeyev və Şoyqu haqqında da cinayət işi açılıb. Onlar Ukraynanın şərqində
separatçılara maddi yardım göstərməkdə və onlara silah ötürülməısində ittiham
edilir.
Qeyd edək ki, Vladimir Volfoviç Edelşteyn 4 aprel 1946-cı il tarixində
Qazaxıstanın Astana şəhərində anadan olub. Atası Volf İsaakoviç Edelşteyn
(1907-1983) milliyətcə - yəhudi, anası Aleksandra Pavlovna Makarova isə milliyyətcə
- rus olub. 1964-cü ildə Vladimir "Jirinovski" soyadını götürür.
Vladimir Jirinovski 5 dəfə (1991, 1996, 2000, 2008, 2012) Rusiya Federasiyası
Prezidenti postuna namizədliyini irəli sürüb və bununla da Rusiyada rekord
vurub.
