Moderator.az xəbər verir ki, bu gün KXCP-nin qərargahında Gələcək Azərbaycan Partiyasının (GAP) Gənclər Komitəsinin (GK) genişləndirilmiş müşavirəsi keçirilib. Müşavirədə GAP GK-nin qarşısında duran vəzifələr, gənclərlə aparılan fəaliyyətin strateji tərəfləri, GAP GK-nin GAP-ın strukturları arasında və cəmiyyət içərisində böyük gücə çevrilməsi üçün görülməsi zəruri olan məsələlər ətrafında söhbət aparılıb.
Tədbirə GAP sədri Ağasif Şakiroğlu da qatılıb. Tədbirdə çıxış edən GAP sədri gənclər qarşısında dayanan mövcud problemlər və bu problemlərden çıxış yolları mövzusunda xüsusi məruzə ilə çıxış edib. GAP sədri Ağasif Şakiroğlu məruzədən sonra gənclərin maraqlandıran sualları cavablandıraraq onlara partiyanın proqramı, hədəfləri və platforması haqqında geniş məlumat verib.
