Martın 11-də Krım tatarlarının lideri Mustafa Cəmiloğlu Moskvada Ukraynanın Rusiyadakı böyükelçisi Vladimir Yelçenko ilə görüşüb. Görüşdə Krım böhranından çıxış yolları geniş müzakirə edilib. Xəbəri Krım Tatar Məclisinin mətbuat xidməti yayıb.
Böyükelçi Yelçenko bildirib ki, böhranlı duruma baxmayaraq iki ölkə arasında diplomatik münasibətlərin yeni səviyyədə qurulmasına ehtiyac var. Qeyd edək ki, bir neçə gün öncə Rusiya və Ukrayna diplomatik münasibətləri dayandırmaq haqqında qərar verib.
Mustafa Cəmilovun Moskva səfəri çərçivəsində Tatarıstan Respublikasının birinci prezidenti Mintemir Şaymiyevlə də görüşəcəyi gözlənilir.
Xatırladaq ki, mətbuatda M. Cəmilovun Putin tərəfindən Moskvaya çağırılması barədə qeyri rəsmi məlumatlar getmişdi.
/müsavat.com
