Millət vəkili Elman Məmmədov Moderator.az-a açıqlamasında ermənilərin Rusiya və İranı hər vasitə ilə Azərbaycanınn üzərinə qaldırmağa cəhd etdiyinə diqqət çəkib. E.Məmmədovun sözlərinə görə, erməni məkri özünü digər sahələrdə də göstərir:
“Azərbaycanın ermənilərə
qarşı mövqeyi bəllidir. Onlar Azərbaycan torpaqlarını işğal ediblər. Biz də öz
torpaqlarımızı erməni işğalından azad etmək üçün mübarizəmizi davam etdiririk.
Bundan sonra da bu mübarizəmizi davam etdirəcək, torpaqlarımızın azadlığına
nail olacayıq. Ermənilərə imkan verilməməlidir ki, onlar Rusiya, İran kimi dövlətləri
bizim üstümüzə qaldırsınlar, başqa təxribatlar həyata keçirsinlər. Görünən odur
ki, onlar bu cür qarşıdurmanı çox arzulayırlar. Ermənilər təxribat törətmək,
ara qarışdırmaq məsələsində olduqca ustadırlar. Biz onların məkrindən, hiyləsindən
hər an özümüzü gözləməliyik. Bu gün İran dövlətinin adı İran İslam Respublikası
gedir. Ona islam qənim olsun. İran İslam Respublikasında ermənilərin sayı çox
azdır. Bir neçə yüz mindir. Ancaq buna baxmayaraq, Iran dövlətinin siyasətində,
iqtisadiyyatında, maliyyəsində onlar söz haqqına sahibdirlər. Bu yaxınlarda ayətullah
ermənilərlə görüş keçirdi. Orada səsləndirildi ki, ermənilərlə farsların kökü
eynidir, qohum millətlərdir.
Ermənilər heç bir fürsəti
əldən buraxmır, bundan mümkün qədər istifadə etməyə çalışırlar. Buna görə də
biz ayıq-sayıq olmalı, ermənilərin təxribat və məkrinə qarşı mübarizəmizi gücləndirməliyik”x9d.
Seymur Əliyev
