Son günlər türk mətbuatında Rusiyanın Türkiyəni dörd bir tərəfdən rus hərbi bazaları ilə əhatəyə almağa çalışması ilə bağlı xəbərlər yer almaqdadır. İddiaya görə, Rusiya Türkiyəyə qonşu olan Ermənistan, Suriya kimi dövlətlərdə öz hərbi gücünü artırmaqla yanaşı, yunan Kiprində də öz bazasını yaratmağa cəhd edir ki, məqsəd Türkiyənin hərbi-siyasi iradəsinə təsir göstərmək, bu iradəyə təzyiq göstərməkdir.
Maraqlıdır, Rusiya Türkiyəni
rus hərbi bazlalarının zəngiri ilə əhatəyə ala bilərmi? Əgər buna nail olarsa belə,
bu yolla Türkiyənin hərbi-siyasi iradəsinə təsir göstərməsi mümkündürmü?
Məsələ ilə bağlı
Moderator.az-a açqlama verən Şərq-Qərb Araşdırmlar Mərkəzinin rəhbəri, politoloq
Ərəstun Oruclu Rusiyanın bu yolla heç nəyə nail olmayacağını bildirib:
“Hesab edirəm ki, Türkiyəni
rus hərbi bazaları ilə dövrələmək mümkün deyil. Birincisi, yunan Kipri Avropa
Birliyinin üzvü olan dövlətdir. Inanmıram ki, Avropa Birliyinə üzv olan dövlətin
ərazisində Rusiyanın hərbi baza yaratmasına imkan verilsin. Bunu istisna edirəm.
Digər tərəfdən, Rusiya hətta Türkiyəni rus hərbi bazaları ilə əhatəyə alsa da,
yenə də heç nəyə nail ola bilməyəcək. Türkiyənin hərbi-siyasi iradəsinə təsir
göstərə, ona yön verə bilməyəcək. Çünki Türkiyə NATO dövlətidir, NATO ailəsinin
bir üzvüdür. Rusiyanın atacağı bu addımlar Türkiyəyə deyil, həm də NATO-ya
qarşı atılan addım olacaq. Təbii ki, belə olan halda NATO Rusiyaya qarşı
adekvat tədbirlər görəcək”x9d.
Seymur Əliyev
