\"Formula 1\" yarışının keçirildiyi məkan raketlə vuruldu - VİDEO

Səudiyyə Ərəbistanının Ciddə şəhərində Formula 1 yarışının keçirildiyi məkan bir neçə dəqiqə əvvəl "Ənsarullah Yəmən" tərəfindən raketlə vurulub. 

Bizim.Media xəbər verir ki, bununla bağlı görüntülər sosial şəbəkələrdə paylaşılıb. 

Neft nəhəngi “Aramco”nun Ciddə şəhərində bir neçə obyekti var. Hadisə yerindən yayılan videolarda Formula 1 treki yaxınlığında şiddətli yanğın və böyük tüstü buludları əks olunub. 

Hadisə vaxtı məşq yürüşləri keçirilirmiş. “Red Bull-un pilotu, dünya çempionu Maks Verstappen avtomobil sürərkən alov iyi hiss etdiyini bildirib. 

"Yanıq iyi gəlir... Bu mənim maşınımdır?", - deyə pilot komandanın radiosu ilə danışarkən soruşub. 

Hadisənin görüntülərini təqdim edirik: 

Bizim.Media