Rusiya TƏKZİB ETDİ - Çin təyyarə hissələrinin tədarükündən imtina etməyib

Federal Hava Nəqliyyatı Agentliyi təyyarələrin uçuşa yararlılığına texniki xidmət şöbəsinin rəhbəri Valeri Kudinovun Rusiya reyestrində qeydiyyatdan keçmiş təyyarələr və aviaşirkətlərlə icarəyə verənlər arasında münasibətlərə dair dediklərini təkzib edib.

Bizim.Media xəbər verir ki, bu barədə agentlik məlumat yayıb.

Qeyd edək ki, Valeri Kudinov fevralın 24-dən sonra yerli aviaşirkətlərin 176 təyyarəni qeydiyyatdan keçirdiyini, bundan əvvəl isə Rusiya reyestrində 70-ə yaxın təyyarənin qeydiyyatdan keçdiyini bildirib.

Həmçinin, onun sözlərinə görə, Çin Rusiya aviaşirkətlərinə təyyarələr üçün ehtiyat hissələri verməkdən imtina edib.

13.55 ***

Çin Rusiya aviaşirkətlərinə təyyarə hissələri tədarük etməkdən imtina edib.   

Bizim.Media xəbər verir ki, bu barədə Federal Hava Nəqliyyatı Agentliyinin təyyarələrin uçuşa yararlılığına texniki xidmət şöbəsinin rəhbəri Valeri Kudinov məlumat verib.  

Onun sözlərinə görə, yerli aviadaşıyıcılar Türkiyə və ya Hindistan kimi digər ölkələrdə təyyarə hissələrinin tədarükü imkanlarını axtaracaqlar.  

Bizim.Media