Cənubi Koreya məhkəməsi 81 yaşlı ağıldankəm pasienti 20 illik həbs cəzasına məhkum edib.
Axar.az RİA Novostiyə istinadla bildirir ki, müttəhim qocalar evini yandırmaqda təqsirli bilinib.
Seulun 300 km cənubunda yerləşən qocalar evində baş verən yanğın 22 nəfərin həyatına son qoyub.
Gizli videomüşahidəçi polis tərəfindən araşdırıldıqdan sonra təqaüdçü həbs edilib. Videolardan birində onun yanğın baş verən otağa daxil olması görüntülənib.
Pasient günahını boynuna almasa da, məhkəmə videoyazılara və onun cinayətini ifşa edən tibbi personalın ifadələrinə daha çox inanıb.
