Böyük Britaniyanın müdafiə naziri Hili bildirib ki, London Yaxın Şərqdəki müttəfiqlərinə əlavə hava hücumundan müdafiə sistemləri və demək olar ki, 1000 hərbçi göndərəcək.
Bizim.Media xəbər verir ki, o, bu barədə Səudiyyə Ərəbistanı, Qətər və Bəhreynə səfəri zamanı məlumat verib.
Xüsusilə, London Səudiyyə Ərəbistanında Britaniya ordusunun istifadə etdiyi “Sky Sabre” adlı yerüstü hava hücumundan müdafiə sistemini yerləşdirməyi planlaşdırır. Bundan əlavə, Britaniya Qətərdə yerləşən və Qətər tərəfi ilə birgə eskadrilyaya malik olduğu “Typhoon” qırıcılarının yerləşdirilməsini davam etdirəcək.
Hilinin sözlərinə görə, britaniyalı hərbçilər yeni HHM sistemlərinin quraşdırılmasına kömək edəcək, şəxsi heyəti öyrədəcək və onların istismarında iştirak edəcəklər.
Ümumilikdə Yaxın Şərq üzrə təxminən 1000 əsgərin yerləşdirilməsi planlaşdırılır ki, onlar “hava məkanını qorumağa və hava hücumundan müdafiəni gücləndirməyə” kömək edəcəklər.
Bizim.Media
