İsrail “Hizbullah”ın qərargahlarını belə məhv etdi - VİDEO

Ötən gecə İsrail Hərbi Hava Qüvvələri Livanın bütün ərazisi boyu "Hizbullah"ın hərbi infrastrukturuna zərbələr endirib. 

Bizim.Media xəbər verir ki, bu barədə İsrail Müdafiə Qüvvələri məlumat yayıb.

Zərbələr nəticəsində onlarla raket qurğusu məhv edilib və İsrailə raket atmağı planlaşdıran “Hizbullah” döyüşçüləri zərərsizləşdirilib. 

Həmçinin, yarım saat ərzində Beyrutun Dahiya rayonunda 10 komandanlıq mərkəzi, o cümlədən kəşfiyyat qərargahları və "Hizbullah"ın elit "Radvan" xüsusi təyinatlı qüvvələrinin qərargahı vurulub.

Xatırladaq ki, 28 fevralda İsrail və ABŞ İrana qarşı əməliyyatlara start verib. Bu hücumlara cavab olaraq İran "Əsl vəd 4" əməliyyatına başlayıb. İranın raket hücumları təkcə İsraili deyil, digər region ölkələrini, o cümlədən Azərbaycanı da əhatə edib.

Martın 2-də isə Hizbullah İsrailə qarşı müharibəyə başladığını elan edib. Buna cavab olaraq, İsrail qruplaşmanın mövqelərinə zərbələr endirib və Livanda quru əməliyyatlarına başlayıb.

Bizim.Media