Ukrayna Baş Prokurorluğu Rusiyanın hərbi müxbiri, WarGonzo Telegram layihəsinin yaradıcısı Semyon Peqovu “hərbi mövzularda təbliğat materialları” yaratmaqda qiyabi ittiham edib.
Ukrayna Baş Prokurorluğunun "Telegram" kanalında məlumat yayılıb. Məlumata görə, ittiham Rusiyanın Ukraynada “təcavüz” kimi qiymətləndirilən hərəkətlərinə bəraət qazandırmaq, qanuni hesab etmək, inkar etməmək, eləcə də Rusiya Silahlı Qüvvələrini tərifləmək ilə bağlı cəza nəzərdə tutan maddə ilə irəli sürülüb.
“İstintaqın məlumatına görə, o, “YouTube”da “WarGonzo” layihəsi üçün və rusiyayönlü "Telegram" kanalında sistemli şəkildə hərbi mövzularda təbliğat materialları hazırlayır”,- Ukrayna Baş Prokurorluğu bildirib.
Ukrayna prokurorluğu Peqovu Donetsk və Luqansk Xalq Respublikalarına dəfələrlə səfər etməkdə və onların liderlərindən müsahibə almaqda günahlandırır. Ukrayna Baş Prokurorluğu qeyd edir ki, internetdə şübhəlilərin Rusiya Federasiyasının ən yüksək siyasi və hərbi səviyyəsində dövlət mükafatları alması ilə bağlı materiallar var, o cümlədən şəxsən Rusiya prezidenti Vladimir Putin tərəfindən.
Peqova qarşı işin ibtidai istintaqı Ukrayna Milli Polisinin Baş İstintaq İdarəsi ilə birlikdə Kiberpolis Departamenti tərəfindən aparılır.
Xatırladaq ki, Ukrayna prezidenti Volodimir Zelenski Milli Təhlükəsizlik və Müdafiə Şurasının Peqov da daxil olmaqla 198 nəfərə qarşı sanksiya qərarının icrası ilə bağlı fərman imzalayıb.
Dekabrın 20-də Rusiya prezidenti Peqovu “İgidliyə görə” ordeni ilə təltif edib.
