Çexiya Ukraynaya L-159 təyyarələrini göndərməyəcək

Çexiya Ukraynaya L-159 tipli hərbi təyyarələrin tədarükünü həyata keçirməyəcək.

Bizim.Media xəbər verir ki, bu barədə informasiyanı Çexiyanın Idnes xəbər portalı ölkənin baş naziri Babişin açıqlamasına istinadən yayıb.

Daha əvvəl Çexiya Silahlı Qüvvələrinin baş komandanı general Rjehka ordunun Ukraynaya dörd L-159 təyyarəsi verə biləcəyini istisna etməmişdi. Bundan öncə isə ölkənin müdafiə naziri Zuna ordunun bu təyyarələrdən imtina edə bilməyəcəyini bildirmişdi.

“L-159 təyyarələrinin heç bir tədarükü yoxdur və olmayacaq. Bu məsələ bağlanıb”, — deyə baş nazir Babiş vurğulayıb.

O əlavə edib ki, Rjehka “susmaqla daha düzgün davranardı” və hökumət başçısının sözlərinə görə, ordunun baş komandanının müdafiə nazirinə qarşı çıxması “normal hal deyil”.

Bizim.Media