Yelisey sarayında keçirilən “İstəyənlər koalisiyası” sammitinin bəyannamə layihəsinin ilkin versiyası yayımlanıb.
Bizim.Media xəbər verir ki, sənəddə Rusiya tərəfindən hücum olacağı təqdirdə ABŞ koalisiyanın Avropa qüvvələrinə dəstək göstərəcəyinə dair müəyyən öhdəlikləri əks olunub.
Həmçinin Ukraynada atəşkəs rejimi qüvvəyə mindikdən sonra təhlükəsizlik zəmanətləri sisteminin işə salınması nəzərdə tutulur.
Təhlükəsizlik zəmanətlərinə aşağıdakılar daxildir:
– ABŞ-ın rəhbərliyi ilə atəşkəsin monitorinqi və verifikasiyasında iştirak etmək;
– Ukrayna ordusuna dəstək göstərilməsi;
– Ukrayna üçün çoxtərəfli beynəlxalq qüvvələrin yaradılması və müdafiə əməkdaşlığının dərinləşdirilməsi.
Bizim.Media
