Məşhur italiyalı aktrisa Rusiya vətəndaşlığını almaq istəyir – ANA BABASI RUSDUR

Hazırda oxunan: Məşhur italiyalı aktrisa Rusiya vətəndaşlığını almaq istəyir – ANA BABASI RUSDUR

58167

“Rusiya vətəndaşlığını almaqdan məmnun olaram, çünki bu, anamla bağlı mədəniyyətimin bir hissəsidir. O, bu il öldü. Vətəndaşlığım onun üçün bir hədiyyə olardı”.

Bizim.Media xəbər verir ki, bunu TASS-a müsahibəsində italiyalı aktrisa Ornella Muti deyib.

O, artıq rus dilini öyrənmək və rəsmi rus qadın statusu almaq üçün lazımi sənədləri toplamağa başladığını bildirib.

Xatırladaq ki, Ornella Muti 9 mart 1955-ci ildə İtaliyanın Roma şəhərində anadan olub. Onun atası neapolitanlı jurnalistdir. Anası İlse Renata Krause (ata soyadı Solovyovdur) Estoniyada doğulub, yarısı rus, yarısı almandır. Aktrisanın babası və nənəsi Sankt-Peterburqda dünyaya gəlib, oradan Estoniyaya köçüblər.

15 yaşından filmlərdə rol alır. O, əsasən İtaliya filmlərində çəkilib, lakin 1980-ci ildə Britaniyanın elmi fantastika filmi “Flash Qordon”da rol alıb. 1984-cü ildə alman kinorejissoru Volker Şlöndorfun Alen Delonla birlikdə "Qu quşunun sevgisi" filmində çəkilib.

Muti italiyalı rejissorlar Marko Ferreri və Dino Risi ilə işləyib. Onun 1994-cü ildən yaşadığı İtaliya, Fransa və Monakoda daşınmaz əmlakı var.

Ornella Muti Kann Film Festivalının daimi fəxri qonağıdır.

Bizim.Media