Danimarka Avropada ilkə imza atdı - COVID məhdudiyyətləri götürüldü

Fevralın 1-dən Danimarka koronavirus pandemiyası ilə əlaqədar tətbiq edilən bütün məhdudiyyətləri ləğv edib.

Bizim.Media “Kommersant” qəzetinə istinadən  xəbər verir ki, ölkədə gecə klubları və restoranlar yenidən fəaliyyətə başlayacaq və yalnız xəstəxanalara gedəndə maskalardan istifadə edilməlidir.

Qeyd olunur ki, səlahiyyətli orqanlar peyvəndin yüksək səviyyəsinə görə belə bir qərar qəbul ediblər.

Danimarkalıların 60%-dən çoxu artıq üçüncü peyvənd dozasını alıb, ümumilikdə isə Aİ-də sakinlərin 45%-dən az hissəsi təkrar peyvənd olunub.

Danimarkada hər gün təxminən 40-50 min yeni COVID-19 hadisəsi qeydə alınır ki, bu da ölkə əhalisinin 1%-dən (5,8 milyon) azdır.
Yerli səhiyyə orqanları Danimarka əhalisinin 80%-nin koronavirus xəstəliyinin ağır formalarından qorunduğunu təxmin edir. AFP agentliyi bildirib ki, Şengen üzvü olmayan ölkələrdən gələn və peyvənd olunmayan səyahətçilər üçün sərhəddə hələ də bir sıra məhdudiyyətlər var. 

Bizim.Media