“PandoDaily” portalı “Apple” mühəndislərinin komandasındakı mənbəyə istinadən yazır ki, ABŞ-ın “Apple” korporasiyası “Path” sosial şəbəkəsini satın ala bilər. O deyib ki, tərəflər kağız üzərində imza atmasalar da, razılığa gəliblər.
Moderator.az -ın İTAR-TASS saytına istinadən bildirir ki, mənbənin iddiasına əsasən, şirkət “Path” sosial şəbəkəsini qismən və ya tamamilə “Messages” mesaj göndərmə xidməti ilə birləşdirmək niyyətindədir.
“Path” sosial şəbəkəsi “Facebook”un keçmiş top-meneceri Deyv Morin və “Napster”in həmtəsisçisi Şon Fenninq tərəfindən hazırlanıb. Xidmət xəbər, foto və musiqi paylaşmaq imkanına malik sosial şəbəkədir. Şəbəkə istifadəçisinin kontaktındakı dost limiti 150-dən çox ola bilməz. Auditoriyası 25 milyon istifadəçi təşkil edir.
