Hindistanda 5 sahibsiz it küçədə oynayan 4 yaşlı qıza hücum edib. Dəhşətli və qorxulu anlar təhlükəsizlik kameralarına əks olunub.
Bizim.Media Türkiyə mətbuatına istinadən xəbər verir ki, hadisə Madya Pradeş ştatında yerləşən Bhopal şəhərində baş verib.
Evinin yaxınlığında küçədə oynayarkən 5 sahibsiz itin hücumuna məruz qalan azyaşlı qolundan, ayağından və başından xəsarət alıb.
İtlərin kiçik qıza hücum etdiyini görən yerli vətəndaş itlərə daş ataraq onları təqib edib.
Polisdən verilən açıqlamada kiçik qızın xəstəxanada müalicə olunduğu bildirilib.
Bhopalda yüz mindən çox sahibsiz itin olduğu təxmin edilir.
Bizim.Media
