İranın Xarici İşlər vəzirinin köməkçisi Rəsul Musəvi "Taliban" silahlı qruplaşmasını "İslam Əmirliyi" adlandırıb.
Bizim.Media "Azad İran" telegram kanalına istinadla xəbər verir ki, Musəvi Heratda fəaliyyət göstərən iranlı diplomatlar və Baş Konsulluğun işçilərinin son proseslər zamanı heç bir zərər görmədiyi barədə məlumat verib. O, bu şəhərin hazırda "İslam Əmirliyi"nin nəzarətinə keçdiyini deyib.
MÖVZU İLƏ BAĞLI:
“Taliban” Kabilə yaxınlaşdı – Hər an tutula bilər
Rəsul Musəvi habelə qeyd edib ki, "şəhəri idarə edən qüvvələr" (Taliban) diplomatik nümayəndəliklər və onların işçilərinin təhlükəsizliyini təmin etməklə bağlı öhdəlik götürüblər.
Qeyd edək ki, Molla Məhəmməd Ömərin rəhbərliyi altında 1996-cı ildə Taliban Əfqanıstanda hakimiyyəti ələ keçirəndə dövlətin adını "Əfqanıstan İslam Əmirliyi" elan etmişdi. Bu hökuməti yalnız azsaylı ölkələr rəsmi olaraq tanımışdı və İranın adı həmin ölkələr sırasında deyildi.
Bizim.Media
