Puqaçova Rusiyanı ona görə tərk edibmiş – İnanılmaz iddia

Məşhur müğənni Alla Puqaçova əri, komediya ustası Maksim Qalkini onu Rusiyanı tərk etməyə vadar etdiyinə görə günahlandırıb.

Bizim.Media xəbər verir ki, bu barədə “Shot” Telegram kanalı ailəyə yaxın mənbələrə istinadən məlumat yayıb.

“Puqaçova oğlu Harri və qızı Yelizavetanın Rusiyada təhsil almasını istəyib.

Lakin bu, Qalkinin mövqeyinə görə mümkünsüz olub. Cütlük uşaqları ilə Kiprə köçüb və medianın diqqətinin artması ilə yanaşı, həmyerlilərinin iddiaları ilə üzləşib. Mənbəmizin sözlərinə görə, Puqaçova dəfələrlə ərinə ailələrinin başına gələnlərə görə məsuliyyət daşıdığını xatırladıb”, – deyə bildirilib.

Bundan əvvəl A.Puqaçovanın Rusiyada fərdi sahibkar statusunu saxladığı məlum olub. Vergi orqanlarından verilən məlumata görə, onun əsas fəaliyyəti bədii yaradıcılıqdır. (Globalinfo.az)

Bizim.Media